LIVERPOOL - LEICESTER
S’shfrytëzon gabimin e Cityt, diferenca +5
30 January, 2019 @22:53
Mundësinë për të shkuar në 7 pikë diferencë ndaj Cityt nuk e ka shfrytëzuar skuadra e Liverpoolit. “Të Kuqtë” u ndalën në shtëpi nga Leicesteri, që zhvilloi një paraqitje tejet të disciplinuar në fazën defansive dhe arriti të largohet me pikë nga Merseyside.
Ndeshja filloi në mënyrë të përkryer për Liverpoolin, me Sadio Manen që shënoi qysh në minutën e 3’, mirëpo përkundër dominimit të vazhdueshëm të vendasve, golin e ardhshëm të ndeshjes e gjetën mysafirët përmes mbrojtësit Harry Maguire, i cili shënoi në fundin e pjesës së parë për t’i dërguar skuadrat me rezultat 1-1 në pushim.
Në pjesën e dytë, përkundër dominimit të vendasve gola nuk pati dhe ndeshja u mbyll me rezultat të barabartë. Kështu, Liverpooli tash ka 5 pikë më tepër se City i vendit të dytë, kurse Leicesteri është i qetë në mesin e tabelës.
Startues për Liverpoolin sonte ishte edhe Xherdan Shaqiri, i cili zhvilloi paraqitje të zbehtë dhe u zëvendësua në pjesën e dytë.
