Strakosha tregon veten

E përditshmja prestigjioze italiane, La Gazzetta dello Sport, ia ka kushtuar shqiptarit të Lazios gati një faqe, pas paraqitjeve fantastike të tija në derbin e qytetit ndaj Romës të bashkëmoshatarëve. 

Ai shpesh përflitej në kuloaret e të kaltrës romake si njeri që është i përkëdhelur i drejtorit sportiv të klubit, Igli Tare, për shkak të miqësisë së tij me babain e Tomasit, Foto Strakosha. 

Por, ai ka arsyetuar cilësitë e tij duke u etiketuar si profesionist dhe punëtor i madh te ekipi i të rinjëve të Lazios. Shpeshherë Strakosha është pjesë edhe e ekipit të parë të lacialëve, por pa gjasa për paraqitje aty ende.