BARCELONA-CITY
Super Messi, s’ka mikpritje për Guardiolën
19 October, 2016 @22:39
Një rikthim aspak i mirë për Pep Guardiolan në stadiumin ku bota e njohu emrin e tij.
Manchester City i spanjollit u deklasua me rezultat 4-0 nga një super Barcelonë e udhëhequr nga Leo Messi, i cili shënoi hat-trick. Goli i katërt u shënuan nga braziliani Neymar, i cili e shpërdoroi edhe një penallti pak para golit të shënuar.
Rikthim aspak i mirë nuk ishte as për Claudio Bravon, i cili u përjashtua me karton të kuq, duke i mundësuar katalunasve ndeshje edhe më të lehtë.
Me 4 golat e shënuara sonte, treshja Messi-Neymar-Suarez arrin shifrën e 103 golave në vitin kalendarik 2016.
Në anën tjetër, City tashmë ka 4 ndeshje pa shënuar fitore në të gjitha garat.
Pas 3 ndeshjeve, Barcelona prin bindshëm në Grupin C.
Barcelona vs Manchester City All Goals and… by giorgio-palamaru
