SHAKHTAR-ROMA
Fotot: uefa.com
Supergol nga Fred, Shakhtar përmbys Romën
21 February, 2018 @22:52
Roma kishte epërsi në fund të pjesës së parë me golin e talentit turk, Cengiz Under, 0-1, gol në debutim në Champions ky për lojtarin, por Shakhtar u përkujdes për përmbysje të rezultatit në pjesë të dytë me golat e Facundo Ferreyras dhe supergolit të Fredit nga gjuajtja e lirë për fitore në përballjen e parë të ekipeve në të tetën e finales së Ligës së Kampionëve, 2-1.
Natyrisht, Romës në ndeshjen e kthimit një fitore me 1-0 do t’i jepte biletën për çerekfinale, por edhe Shakhtar ka treguar se di të rrezikojë shumë kur i ipet rasti.
Gjithçka do të vendoset në Olimpico pas dy javësh lidhur me çerekfinalistin nga ky çift i së tetës së finales.
