Tovërlani nis me fitore

Trajneri prishtinas, Afrim Tovërlani, ka debutuar me fitore te ekipi i tij i ri, Trepça’89, sot. 

Xehetarët kanë mposhtur Vëllaznimin e Gjakovës, duke shënuar dy herë në pjesë të parë, rezultat ky që doli të jetë përfundimtar në këtë takim. 

Mitrovicasit erdhën në epërsi shpejtë përmes Argjend Mustafës, derisa për të shkuar të qetë në pushim pjesëlojësh, u përkujdes njëri ndër më të dalluarit te Trepça’89, Emin Baliqi. 

Vëllaznimi kërkoi të bënte diç më shumë në pjesë të dytë, por sulmet gjakovare nuk u konkretizuan, derisa mitrovicasit që tentuan përmes Kushtrim Lushtakut kryesisht, u ndalën te portieri Altik Muhaxhiri, që është edhe portier i përfaqësueses së Kosovës. 

Me këtë fitore, Trepça’89, ka kërcyer në vend të pestë të tabelës, me një pikë më pak se Besa, 41, derisa Vëllaznimi tashmë në zonën e rrezikshme, duhet të luftojë për shpëtim në ndeshjet e mbetura. 

REZULTATET DHE TABELA AKTUALE