KUKËSI
Trabzonspor arrin në Tiranë
20 August, 2013 @19:37
Skuadra turke, Trabzonspor, që do të ndeshet me Kukësin në kuadër të Play-Offit të Europa League në Qemal Stafa ka ateruar në Tiranë sot pasdite, bëjnë të ditura mediat shqiptare.
Për shkak të largësisë së madhe në mes të Trabzonit dhe Tiranës, ashtu që të mos lodhen lojtarët, stafi i skuadrës turke ka vendosur që pas ndeshjes derbi ndaj Besiktasit në Stamboll ata të udhëtojnë për në kryeqytetin shqiptar direkt.
Punonjësit e kompanive të ndryshme turke që operojnë në Tiranë i kanë bërë atyre një mikrpritje të ngrohtë dhe bëhet e ditur se ekipi nga Deti i Zi do të ketë afro 500 përkrahës në Qemal Stafa të enjten kur zhvillohet ndeshja.
