Vllaznia merr portier, Neziri ende provohet

Flamur Neziri, i cili që nga fundjava është në prova te Vllaznia e Shkodrës, përkundër se i ka lënë përshtypje drejtuesve shkodranë, ende nuk ka nënshkruar asgjë. 

Në anën tjetër, drejtuesit e Vllaznisë kanë vazhduar kontratën me portierin e tyre malazias, Miroslav Vujadinovic, për të cilin thonë se është ‘garanci në portë’ dhe njëri ndër futbollistët më të dalluar të skuadrës. 

Neziri vazhdon provat me skuadrën shkodrane, derisa ish portieri i Prishtinës, ende nuk ka marrë përgjigjen përfundimtare nga drejtuesit e Vllaznisë, shkruan Panorama Sport sot. Neziri para se të shkonte në prova në Shqipëri kishte lënë kampionen Prishtina, për Fushë Kosovën, por nuk u paraqit për ata në ndeshjen e parë të stinorit pasi që duhej të testohej në Shkodër.