JOSE MOURINHO
Trajneri më me fat në Premier Ligë
3 November, 2018 @22:22
Pas fitores ndaj Bournemouthit sot si mysafir 2-1, Jose Mourinho ka thënë se është “trajneri më me fat në Premier Ligë!”
“Rezultati do të mund të ishte 6-2 për ata,” ka thënë Mourinho pas ndeshjes. “Kemi qenë shumë të keq në mbrojtje. Nuk kemi bërë pres fare dhe as që kemi zbatuar atë që kemi punuar gjatë javës. Ata që e kanë parë këtë ndeshje nuk do t’i besojnë punës sonë gjatë gjithë javës.”
“Ekipet e mëdha nuk nisin asnjë ndeshje kaq keq, si ne sot. Kjo më pengon. Pjesa e dytë ka qenë shumë më e mirë. Kemi krijuar raste dhe kemi mundur të shënojmë golin e fitores edhe më heret,” ka shtuar ai.
Bournemouth avancoi heret me golin e Callum Wilsonit 1-0 (11’), ndërsa United barazoi me Anthony Martialin 1-1 (35’), para se në minutën e fundit të ndeshjes Marcus Rashford 1-2 (90’) t’ia sjell fitoren ekipit të Manchester Unitedit.
