U shkoi kreu

Xhiroja e katërmbëdhjetë e Superligës së Kosovës solli ndryshime në kreun e klasifikimit. Me fitoren e Prishtinës dje ndaj Lirisë, kryeqytetasit kaluan përkohësisht në krye të tabelës me dy pikë më shumë se Trepça 89.

Mitrovicasit kishin rastin që sot të mposhtin Hajvalinë dhe të dalin në vendin e parë, mirëpo ata e humbën ndeshjen në tërësi duke mos mundur as të nxjerrin një pikë dhe humbën lidershipin në tabelë.

Hajvalia golin e vetëm në ndeshje e shënoi nëpërmjet një gjuajtjeje të lirë, të cilën e ekzekutoi pagabueshëm, Festim Krasniqi. Me këto tre pikë, Hajvalia është ngritur në pozitën e pestë të tabelës.

REZULTATI:

Hajvalia - Trepça 89 1-0 (Krasniqi).