Usain Bolt fillon stërvitjet me Dortmundin

Simpatia që Usain Bolt ka për futbollin nuk është diçka që dëgjohet për herë të parë. Njeriu më i shpejt në botë njihet nga të gjithë si një fans i madh i Manchester United dhe ai e ka shprehur edhe publikisht dëshirën që të luaj për 20 herë kampionin anglez.

Mirëpo, pak kush ka besuar se ai ka aftësi futbollistike për ta bërë këtë gjë.

Për ta dëshmuar të kundërtën, Bolt ka filluar stërvitjet me klubin e Dortmundit dhe kjo gjë u konfirmua zyrtarisht sot nga drejtori sportiv i klubit verdhezi, Hans-Joachim Watzke, i cili deklaroi që sprinteri xhamajkan do të stërvitet me Dortmundin sepse e konsideron seriozisht veten si një futbollist profesionist në një të ardhme të afërt.

Se a do të arrijë Bolt të jetë i suksesshëm edhe në futboll, mbetet të shihet!