VUSHTRRIA - FERIZAJ
Vushtrria fiton, por ende në rrezik
11 November, 2019 @16:30
Skuadra e Vushtrrisë sot e mposhti Ferizajin me rezultat 3-1.
Pas dy humbjeve rresht, Vushtrria triumfoi ndaj kundërshtarit, por ende gjendet në zonën e rrezikshme.
Pjesa e parë e ndeshjes u mbyll me rezultat 0-0, derisa në pjesën e dytë u shënuan 4 gola.
Në minutën e 48’ nga penalltia shënoi Bashkim Shala, më pas në minutën e 64’ e dyfishoi epërsinë Jasmin Raboshta, derisa ky i fundit asistoi në golin e tretë e shënoi Ygor Vinicius.
Goli i nderit për Ferizajin erdhi nga Fatih Karahoda, i cili shënoi me kokë në minutën e 82’.
Vushtrria me Ferizajin i kanë nga 12 pikë dhe që të dyja skuadrat gjenden në zonën e rrezikshme të tabelës.
Në xhiron tjetër Vushtrria takohet me Drenicën, kurse Ferizaji me Dukagjinin.
