SALZBURG 2-2 EINTRACHT FRANKFURT
Foto: uefa.com
15 minutat e Berishës s’mjaftuan, Eintracht kualifikohet
28 February, 2020 @20:28
Skuadra e Salzburgut të Austrisë, që kishte humbur ndeshjen e parë të së tetës së finales nga Eintrachti në Frankfurt 4-1, nuk e pati të mundur rikthimin sonte për të shkuar tutje dhe kështu me përfundimtaren 2-2 [Ulmer 10, Onguene 71 - Silva 30, 83] u përshëndet nga EuropaLiga për këtë sezon.
Në 15 minutat e fundit të ndeshjes për Salzburgun u inkuadrua ish reprezentuesi i Gjermanisë U21, Mërgim Berisha, por nuk arriti të ndërrojë asgjë në ndeshje.
ÇIFTET E SHORTIT 1/8 E FINALES
Te Eintrachti shkëlqeu ish sulmuesi i Milanit, Andre Silva, që shënoi dy herë për të mos lënë vend për befasi.
Kundërshtari i radhës për Eintrachtin, në të tetën e finales së Europa Ligës është Baseli ku luajnë Edon Zhegrova, Taulant Xhaka e Kemal Ademi.
