REAL MADRID - MANCHESTER CITY
City përmbys Realin në Bernabeu
26 February, 2020 @22:56
Një performancë e inspiruar nga i palodhshmi Kevin de Bruyne, i ka ndihmuar Manchester Cityt që të përmbysin epërsinë e Real Madridit për të fituar 1-2 në Santiago Bernabeu dhe të marrin avantazhin e madh për ndeshjen e kthimit në Etihad.
Pas pjesës së parë me raste të mëdha për Cityn dhe mbrojtje të mira Thibaut Courtois, Real Madrid mori papritur epërsinë në pjesë të dytë përmes Iscos.
Por City arriti të rikthehet. De Bruyne mori në kontroll lojën duke çuar pasim perfekt te Gabriel Jesus për të barazuar rezultatin, dhe pas saj erdhi edhe penalltia, që u konvertua në gol nga belgu, për përfundimtaren 1-2 [Isco 60 - Jesus 78, de Bruyne 83p]
Më vonë, Sergio Ramos u ndëshkua me të kuqe direkte pasi që rrënoi pak para zonës, Gabriel Jesusin. Ndërsa në pjesë të parë Aymeric Laporte i Cityt u desht të zëvendësohet për shkak të lëndimit.
Ndeshja e kthimit dhe e shpresës për madrilenët, më 17 mars në Manchester.
