Nis shitja e biletave për ndeshjen Maqedonia Veriore - Kosova

Mediat maqedonase kanë bërë të ditur se po fillon shitja e biletave për ndeshjen vendimtare mes Maqedonisë Veriore dhe Kosovës, që çon në finale të PlayOffit të Ligës D të Kombeve fituesin e kësaj ndeshjeje dhe e afron në EURO2020.

Sport Media maqedonase ka bërë të ditur se Federata e Futbollit të Maqedonisë do të nis shitjen e biletave përmes Lidhjeve Rajonale të Futbollit në Maqedoninë Veriore, ndërsa është bërë e ditur se prej të hënës e të martës do të mund të blejnë biletat që kanë çmimet prej 300 deri në 400 denarë, që i bie prej 5 deri në 7 euro për copë.

Këto bileta mund të blihen vetëm përmes letërnjoftimit, ndërsa të tjerat do të shiten përmes portalit MK tickets dhe përmes Federatës.

Për tifozët e Kosovës, janë të rezervuara 5% të biletave të stadiumit që ka kapacitet prej 35 mijë ulësesh, e që i bie rreth 1 mijë e 500 sosh, të cilat besohet se do të jenë në dispozicion të Dardanëve dhe FFK-së.