DANI CARVAJAL
3 muaj jashtë, mungon në Ligë të Kampionëve
16 February, 2021 @8:22
Përmes një komunikate të lëshuar mbrëmë, Real Madrid ka bërë të ditur se mbrojtësi i ekipit Dani Carvajal nuk do të jetë në gjendje të luajë për ekipin për shkak të lëndimit.
Konstatimet e mjekëve të skuadrës janë se Carvajal 29-vjeç, do të mungojë së paku 2 muaj në ekip, lëndim që mund të çojë mungesën e lojtarit deri në tre muaj.
Real Madrid do të jetë mysafir i Atalantës në kuadër të Ligës së Kampionëve javën që vjen, kur më 24 shkurt u shkon italianëve në Gewiss të Bergamos.