FA CUP
5/5 për Solskjaer, United kalon Readingun
5 January, 2019 @15:32
5 fitore në 5 ndeshje për norvegjezin Solskjaer në krye të Manchester United.
Sot skuadra e ‘Djajve të Kuq’ shënoi fitore 2-0 ndaj Readingut në ‘Old Trafford’, për ta arritur kështu 1/16 e finales së FA Cup.
Golat për Unitedin u shënuan nga Juan Mata (P) dhe Romelu Lukaku, kurse goli mysafirëve iu mohua në disa raste nga portieri Sergio Romero, i cili zhvilloi një ndeshje mjaft të mirë.
Përveç Unitedit, në 1/16 e finales deri më tash janë kualifikuar edhe Tottenham, Burnley, West Ham, WBA dhe Brighton, kurse të gjitha skuadrat që kualifikohen për në fazën e ardhshme do të kuptohen pas zhvillimit të ndeshjeve të tjera të rrethit të tretë të garës në fjalë.
