BESIKTAS - FENERBAHÇE
Foto: NTVSpor
6 gola në derbin me dy fytyra
25 February, 2019 @21:18
Derbi i xhiros në Turqi ka kaluar si derbi i vërtetë. Besiktas që po kërkon titullin kampion dhe Fenerbahçe që po lufton për tu ngritur në tabelë, kanë dhënë një shfaqje me dy fytyra në ndeshjen që dhuroi 6 gola.
Besiktas përfundoi pjesën e parë me 3-0 dhe derisa mendoi se do të shkojë lehtë te fitorja, Fenerbahçe u rikthye plotësisht në lojë në pjesë të dytë për t’i dhënë ndeshjes fund me 3-3.
Me këtë rezultat, Besiktas tash ka 40 pikë në pozitën e tretë nga 23 ndeshje, 11 më pak se lideri Istanbul Basaksehir; derisa Fenerbahçe kapi pikën e 25-të, për të dalë nga zona e rrezikshme e tabelës, në pozitën e 14.
