GIANNI DE BIASI PREZENTOHET
Alaves prezenton De Biasin
25 September, 2017 @14:23
Skuadra spanjolle, Deportivo Alaves, që në xhiron e fundit u mposht nga Real Madridi në shtëpi, duke shënuar humbjen e gjashtë me radhë në kampionat, ka prezentuar sot para mediave trajnerin e ri të ekipit, Gianni De Biasi.
De Biasi, që u emërua në këtë post në mes të javës së kaluar, sot nënshkroi kontratën edhe formalisht, ndërsa vendosi edhe shallin e skuadrës së Alavesit për të pozuar para mediave.
“Gjëja më e rëndësishme është ekipi. Bashkë do të mund të arrijmë qëllimin, çelësi i suksesit është të jemi bashkë: lojtarët, klubi, tifozët…” ka thënë De Biasi.
De Biasi do të debutojë në bankën e Alavesit në duel ndaj Levantes së Enis Bardhit, që është në formë shumë të mirë, xhiron që vjen.
