NË SHKUP
Ezgjan Aliovski (Maqedoni) duke tentuar të ndalë Taulant Xhakën (Shqipëri) në përballjen që e fitoi Shqipëria 2-1 në Shkodër.
Angelovski fton 4 shqiptarë për Maqedoninë
29 September, 2016 @14:34
Përzgjedhësi i përfaqësueses së IRJ Maqedonisë, Igor Angelovski, ka bërë të ditur sot listën e lojtarëve të ftuar për ndeshjet që ky vend i luan ndaj Izraelit dhe Italisë më 6 dhe 9 tetor.
Në përbërjen e lojtarëve janë katër shqiptarë: Ferhan Hasani dhe Besart Ibraimi nga Shkëndija e Tetovës, Leonard Zhuta i Rijekës dhe Ezgjan Aliovski, që luan për Luganon në Zvicër.
IRJ Maqedonia ka startuar me humbje kualifikimet për Botërorin “Rusia 2018” duke u mposhtur nga Shqipëria 2-1 në Shkodër.
Përfaqësuesja maqedone është nikoqire e Izraelit më 6 dhe e Italisë më 9 tetor.
