Arbër Zeneli zyrtarizohet në Ligue 1

Lojtari më i mirë kosovar i vitit shpallur nga FFK-ja, Arbër Zeneli, është anëtar i ri i Reims edhe zyrtarisht.

Klubi i Reims ka prezantuar sot futbollistin e Kosovës si asistuesin e gjashtë më të mirë në Evropë [11 asistime në 17 ndeshje].

Zeneli ka nënshkruar kontratë 5 vjeçare me ekipin e Stade de Reims në Francë që garon në Ligue 1, që është aktualisht i 12-ti në elitën e futbollit francez.

Dueli i radhës për Reims është ndaj ekipit të madh francez, Olympique de Marseille dhe Zeneli mund të debutojë në këtë përballje.

TABELA AKTUALE E LIGUE 1

“Shpejtësia, preciziteti, aftësia për të qenë vendimtar, janë karakteristikat kryesore të lojtarit tonë të ri,” ka qenë përshkrimi i faqes zyrtare të ekipit francez për mesfushorin e krahut që ka hyrë në histori të reprezentacionit si lojtari i parë që ka shënuar hat-trick në një ndeshje zyrtare për Kosovës.

Futbollisti që më 25 shkurt do të mbush të 24-tat tashmë pas katër stinorëve të kaluar në Heerenveen të Holandës, ku kishte ardhur prej Elfsborgut suedez në vitin 2015, do të jetë anëtar i ri i Stade de Reims.

Zeneli ka marrë fanellën me numër 17 te ekipi i tij i ri.