Artim Shaqiri zëvendëson Murat Yakin te ekipi zviceran

Ish reprezentuesi i Maqedonisë Veriore, Artim Shaqiri, është emëruar dje trajner i ekipit të kategorisë së dytë zvicerane, Schaffhausen.

Ai ka zëvendësuar vëllaun e përzgjedhësit aktual të Zvicrës pas rezultateve jo të mira në fillim të stinorit me skuadrën, Hakan Yakin.

Schaffhausen e ka prezentuar Shaqirin si një ish lojtar me përvojë nga shumë vende, duke theksuar edhe kohën e tij të kaluar në ëBA të Anglisë, ndërsa më pas ka përmendur menaxhimin e suksesshëm të tij te Shkëndija dhe te Kukësi, para se të shkojë te Pembroke Athleta dhe së fundi Flamurtari i Vlorës, ku punoi deri në shpërthim të pandemisë.

Përndryshe, te Schaffhausen luajnë tre kosovarë, Jetmir Krasniqi, Valon Hamdiu dhe Uran Bislimi, ndërsa ka edhe shqiptarë tjerë që mbrojnë ngjyrat e Zvicrës si Amir Shaipi, Leonit Sahitaj, Mërgim Bajrami, Drilon Kastrati si dhe futbollisti i kombëtares shqiptare Bujar Lika.

Schaffhausen në Challenge League të Zvicrës pas pesë xhirove të para ka vetëm një fitore, të shoqëruara me tri barazime dhe një humbje.