Barazimi i tretë i Lirisë, ndal serinë e fitoreve të Trepçës

Dy skuadrat që emri i ka mbetur vetëm në histori si i madh e ekipet aktualisht militojnë në Ligë të Parë dhe aty po kalojnë çaste aspak të mira, kanë barazuar në një ndeshje me gola dhe raste plot, Liria - Trepça 2-2 [n.n. - Edis Ahmeti, Amir Prishtina].

Liria përkundër se përsëri nuk ka shënuar fitore, së paku tash po merr pikë, pasi që ka shënuar barazimin e tretë radhazi, ku kjo ka qenë e para me gola, pas dy barazimeve pa gola.

TABELA AKTUALE

Në anën tjetër Trepça ka qenë në formë shumë të mirë dhe hyri në ndeshje me 4 fitore radhazi në bagazh në përballjet e fundit, por përkundër rasteve u desht të pajtohet me barazim në Prizren në fund.

Përndryshe, Trepça që deri vonë ka qenë nën Lirinë në klasifikim, tashmë është në mes të renditjes në Ligën e Parë A dhe ka dalë mbi prizrenasit në klasifikim.