NGA KONFERENCA
Berat Xhimshiti: Shkojmë për të korrigjuar gabimin
7 June, 2017 @19:42
Mbrojtësi i kombëtares shqiptare, Berat Xhimshiti, ka thënë se Shqipëria shkon në Izrael për të korrigjuar gabimin e bërë në ndeshjen e parë të zhvilluar në Shqipëri.
“Ne shkojmë atje për fitore. Shkojmë për të korrigjuar gabimin,” ka thënë ndër të tjera ai në konferencën e sotme për shtyp.
Sa i përket mbrojtjes me 3 qendërmbrojtës, të cilën e aplikoi Shqipëria në ndeshjen miqësore ndaj Luksemburgut, Xhimshiti ka thënë se kjo i konvenon atij.
Shiko: TABELAT DREJT RUSIA 2018
“Mua personalisht më konvenon mbrojtja me 3. Kam luajtur njejtë edhe në Avellino këtë stinor në mbrojtje me 3 dhe kemi arritur qëllimin, mbijetesën në Serie B,” ka thënë Xhimshiti në konferencën për shtyp të kuqezinjëve sot.
Shqipëria është duke e zhvilluar fazën e fundit përgatitore në Turqi, para se të marrë rrugë për Izrael ku do të takohet me përfaqësuesen e këtij vendi në kualifikuese për Botëror.
