KUPA E RUSISË
Foto: Akhmat/tw
Bernard Berisha e Odise Roshi kualifikojnë ekipin
25 September, 2019 @13:45
Reprezentuesi i Kosovës, Bernard Berisha dhe ai i Shqipërisë, Odise Roshi, me golat e tyre të shënuara pas ekzekutimit të penalltive, i kanë siguruar Akhmat Groznyt kualifikimin në të tetën e finales së Kupës së Rusisë.
Bernard Berisha shënoi golin e avantazhit për ekipin (76’) gjatë kohës së rregullt, por pastaj vendasit Khabarovsk barazuan në 1-1 për të çuar ndeshjen në vazhdime. E pas vazhdimeve, ku u shënuan edhe dy gola tjerë për përfundimtaren e 120 minutave 2-2, ndeshja shkoi në penallti.
Bernardi shutoi dhe shënoi penalltinë e parë të ekipit, ndërsa Roshi përmbylli dilemat e kualifikimit duke qëlluar penalltinë e pestë për përfundimtaren 2-2 (2-4, pas penalltive) në të mirë të ekipit nga Grozni.
