BESA - LLAPI
Besa siguron pikët me Shabanin
25 February, 2017 @15:10
Goli i vetëm i shënuar nga Xhevdet Shabani, i ka siguruar tri pikë të arta skuadrës së Besës, e cila arriti ta mposht nënkampionin vjeshtor, Llapin.
Pejanët fituan me rezultat minimal, 1-0, ndërsa goli i vetëm u shënua në minutën 73’.
VIDEO: Goli i Xhevdet Shabanit
Ishte një kundërsulm i shpejtë i filluar nga Florent Qorraj, i cili pasoi drejt Fatih Karahodës, derisa ky i fundit menjëherë e gjeti Xhevdet Shabanin, që nuk e pati problem ta dërgojë topin në rrjetë.
Kjo është fitorja e shtatë e Besës, e cila tani ka gjithsej 28 pikë, ndërsa për Llapin, humbje e rrëzoi për dy pozita më poshtë në radhitjen tabelare.
