ARTHUR MELO
Braziliani 21 vjeç zyrtarizohet te Barcelona
9 July, 2018 @22:44
Barcelona ka konfirmuar dhe para pak çastesh ka zyrtarizuar marrëveshjen me futbollistin brazilian, Arthur, që vjen nga Gremio e Brazilit.
Sipas Eurosportit, Barcelona i ka paguar 31 milionë euro ekipit brazilian, ndërsa edhe 9 milionë tjera mund t’i fitojë Gremio varësisht prej performancave të Arthurit.
Mesfushori Arthur Melo ka nënshkruar kontratë gjashtë vjeçare me Barcelonën, ndërsa klauzola e lirimit të tij është 400 milionë euro.
Braziliani 21 vjeç ka fituar Copa Libertadores dhe Copa do Brasil me Gremion, ndërsa ka qenë reprezentues i Brazilit për grupmoshat U17 dhe U20.
