Celina, fitues në duel me Zenelin

Java e XXIII në kampionatin holandez i ka ballafaquar dy reprezentuesit e përfaqësueses së Kosovës, Bersant Celinën dhe Arbër Zenelin.

Në fund fitores i’u gëzua skuadra e Celinës, Twente, e cila e mposhti me rezultat minimal Heerenveenin e Zenelit, falë golit të shënuar nga penalltia në minutën 54’ nga polaku Mateusz Klich.

Sikurse Celina, edhe Zeneli e filluan ndeshjen nga minuta e parë, por që i pari u zëvendësua në minutën 81’.

Te Twente në formacion të ndeshjes ishte edhe kosovari tjetër, Enis Bunjaki, mirëpo ky i fundit nuk e kishte rastin të dëshmohet në fushë, pasi që ndeshjen e përcjelli nga banka rezervë.

Për Heerenveenin e Zenelit, kjo është ndeshja e pestë rresht pa fitore në kampionatin holandez.