Chelsea i Lampardit ngritet lartë me përmbysjen e sotme

Chelsea ka arritur të kthehet shpejtë në lojë për të përmbysur epërsinë e hershme të Sheffield Unitedit sot në Stamford Bridge për të fituar ndeshjen në fund dhe për të kërcyer në pozitë të tretë të klasifikimit të Premier Ligës.

Djelmoshat e Frank Lampardit kanë reaguar pikërisht si do të donte trajneri i tyre pas epërsisë befasuese të mysafirëve, që qëndrojnë të fundit në renditjen tabelare.

Chelsea mposhti Sheffield Unitedin 4-1 [Abraham 23, Chilwell 34, Silva 77, Werner 80 - McGoldrick 9]. Dy asistime në ndeshje u bënë nga i transferuari i kësaj vere te të kaltërit, Hakim Ziyech, ndërsa nga njëherë shërbyen edhe Mateo Kovacic e Ngolo Kante.

TABELA AKTUALE

Fitorja e çon Chelsean në pozitë të tretë, ndërsa ekipi i Lampard tashmë ka kapur super-formë duke shënuar katër fitore radhazi në të gjitha garat.

E sa i përket Sheffield Unitedit, që tregoi lojëra jashtëzakonisht të mira në stinorin e kaluar dhe u bë ndër befasitë e këndshme të stinorit 2019/20, këtë stinor trajneri Chris Walder do të duhet të këndell mirë e mirë lojtarët - pasi që rreziku nga Championship veçse ka filluar të përfolet. Sheffield United ka 1 pikë pas 8 xhirove të zhvilluara në Premiership.