Cili ekip sa përfitoi? Qindra milionat e Premier Ligës

Pas përfundimit të sezonit fantastik në Premier Ligë, drejtuesit e ligës kanë publikuar raportin financiar të të hollave që i janë ndarë klubeve pjesëmarrëse në stinorin 2018/19 sipas renditjes dhe të ardhurave nga transmetimi e ato komerciale.

Kështu, përkundër se përfundoi i dyti në renditje, Liverpool, ka përfituar më së shumti këtë stinor, duke marrë rreth 1.5 milionë funta më shumë sesa kampioni Manchester City.

Liverpool ka përfituar 152 milionë e 425 mijë e 146 funta, derisa City ka marrë 150 milionë e 986 mijë e 355 funta nga Premier Liga.

TABELA PËRFUNDIMTARE E STINORIT 2018/19

I vetmi ekip që nuk ka arritur totalin e pagesave 9 shifrore në listë është Huddersfield Town ku luan reprezentuesi i Kosovës Florent Hadërgjonaj. Ekipi që këtë stinor humbi statusin elitar ka marrë 96 milionë e 628 miijë e 865 funta në total.

Sipas kolonave ndarjet janë, të garantuara nga mbi 34 milionë funta. Me radhë vinë ato për stadiume/shikueshmëri, pastaj meritore që varen nga renditja në tabelë, transmetimi ndërkombëtar i ndeshjeve, komerciale dhe në fund është listuar totali për secilin ekip.

Shuma e përgjithshme e ndarë nga Premier Liga për ekipet pjesëmarrëse i afrohet 2.5 miliardë funtave.