FA CUP QUARTERS
Foto: TheGuardian
City përmbys Swansean për gj’finale
16 March, 2019 @20:16
Përkundër epërsisë prej 2-0 të Swanseat dhe lojës së mirë të treguar të tyre, kampioni i Anglisë Manchester City ka arritur të rikthehet dhe të fitojë ndeshjen 2-3 në fund për të siguruar gjysmëfinalen e FA Cup.
Bersant Celina, që ka qenë i shkëlqyeshëm në këtë ndeshje ka shënuar edhe golin e dytë, mjeshtërisht, për Swansean, por në pjesë të dytë zëvendësuesi Sergio Aguero ka rikthyer gjithçka.
Shiko: GOLI I CELINËS
Goli i dytë dhe i tretë i Cityt mbeten për tu shikuar mirë, pasi që penalltia dukej e lehtë, ndërsa goli i fundit, i fitores, mund të ishte edhe ofsajd.
Sidoqoftë, në fund City ka siguruar biletën për katërshen kryesore të FA Cup të Anglisë, derisa mjellmat u eliminuan.
