OLD TRAFFORD
Çka do të ndodhë me Giggsin?
25 May, 2016 @10:30
Derisa Jose Mourinho po pritet të zyrtarizohet si trajner i ri i Manchester Unitedit, BBC Sport ka bërë pyetje se çka do të ndodhë me fatin e ndihmëstrajnerit të ekipit dhe legjendën e klubit, Ryan Giggs.
Giggs është në udhëkryq, ka shkruar Simon Stone.
1. Jose Mourinho do të kërkojë që të ketë një ‘ujk të vjetër’ që di gjithçka për ekipin. Opcion i mirë për Giggsin, por mbetet përsëri në hije.
2. Të qëndrojë në Manchester United, por të merr një rol tjetër. Si shembull mund të jetë ngritja e Zinedine Zidanit te Real Madrid nga ekipi U21.
3. Të largohet nga skuadra. Nëse beson se do të mund të drejtojë ndonjëherë Manchester Unitedin, mund t’ia nisë edhe tjetërkund - dhe pastaj të kthehet triumfalisht në Old Trafford, ku kaloi tërë karrierën.
Përndryshe, Giggs ka licensën profi nga UEFA-ja për trajnerë dhe ofertat për të nuk do të mungojnë.
E Giggs duhet të mendojë mirë para se të vendosë.
