Conte me Azzurrët për EURO 2016

Favoriti për të zëvendësuar në postin e lënë bosh nga Cesare Prandelli, fitoi. Ish trajneri i Juventusit, Antonio Conte, është trajner i ri i Azzurrëve. 

Sipas Eurosportit, sponzori Puma ka hyrë në mes për të bërë Conten përzgjedhës të Italisë. Si? Federata Italiane e Futbollit do t’i paguaj Contes 1.7 mililonë euro në vjet si rrogë, derisa Puma do të shtojë edhe 2.5 milionë euro tjera në llogarinë e ish trajnerit të Bianconerëve për ta bërë atë trajneri i tretë më i paguar në botë. 

Cesare Prandelli kishte dhënë dorëheqje nga posti i trajnerit të Italisë pas eliminimit nga Botërori, derisa më vonë morri drejtimin e Galatasarayit. Conte muaj më parë dha dorëheqje nga posti i trajnerit të Juventusit.