Cristiano para dënimit

Sulmuesi i Juventusit Cristiano Ronaldo mund të suspendohet me një ndeshje moslojë nga UEFA, pasi që këta të fundit kanë hapur procedurë disiplinore ndaj portugezit, për shkak të gjesteve të tij në fitoren ndaj Atletico Madridit në Ligë të Kampionëve.

Cristiano 34 vjeç iu kundërpërgjigj gjesteve të Diego Simeones së Atletico Madridit pas hat-trickut të shënuar në rikthimin e madh të Juventusit ndaj madrilenëve.

Simeone ishte dënuar me 20 mijë euro për mënyrën e festimit të golave të tij në përballjen që Atletico e kishte fituar ndaj Juventusit 2-0. E tash, vendimi për Cristianon pritet të mirret të enjten. Ai mund të gjobitet me të holla, por dënimi mund të shkojë edhe në suspendim për ndeshjen e radhës, me procedurën “sjellje e pahijshme e futbollistit”.

Rivali i çerekfinales për Juventusin në Ligë të Kampionëve është Ajaxi.