MIQËSORE
Foto: KFVellaznimi/fb
Super test për Vëllaznimin gjatë pushimit të ligave
19 March, 2019 @12:30
Skuadra e Vëllaznimit të Gjakovës do të ketë një ndeshje miqësore tepër të rëndësishme përgjatë pushimit të ligave, për shkak të ndeshjeve të kombëtareve në futboll.
Njoftimi i fundit i faqes së ekipit gjakovar ka bërë të ditur që kuqezinjtë e Gjakovës do të ndeshen me kuqezinjtë e Tetovës të mërkurën në ora 14e30 në Tetovë.
Kështu, kampioni i Maqedonisë dhe lideri i ligës së atjeshme Shkëndija, pret ekipin e Vëllaznimit në një duel miqësor, që për këta të fundit është një test serioz para vazhdimit të stinorit dhe në luftën e tyre për tu inkuadruar në Superligë në fund të këtij sezoni.
