Dënohet me 3 ndeshje

Sulmuesi i Milanit, Mario Balotelli, do t’i mungojë Milanit në tre ndeshjet e ardhshme në kampionat, pasi që është suspenduar nga Federata italiane për kaq ndeshje për shkak të ofendimit të referit të ndeshjes, Paolo Tagliavento. 

Sulmuesi 22 vjeç, ka akumuluar pesë kartonë të verdhë, që i sjellë një ndeshje moslojë automatikisht, ndërsa dy të tjerat vinë për shkak të fyerjeve ndaj gjyqtarëve në ndeshje ndaj Fiorentinës. 

Milan ishte duke udhëhequr 0-2 si mysafir i vjollcëve në Firencë, derisa në fund u desht të kënaqet me një pikë, pasi që vendasit barazuan nëpërmjet dy penalltive. 

Balotelli do t’i mungojë Milanit në ndeshje mjaft të vështira, prej të cilave dy derbi të mëdha. Ai do ta lë ekipin pa ndihmën e tij në ndeshje ndaj Napolit, Juventusit dhe Catanias.