EURO2020
Dita 27, gjysmëfinalja e dytë
7 July, 2021 @8:35
Ndeshja e parafundit e evropianit luhet sot.
Pas Italisë, finalisti i dytë i EURO2020 do të përcaktohet sonte pas duelit Angli vs.Danimarkë.
EURO 2020 - SKEMA DREJT FINALES
Anglia, ende pa gol të pësuar dhe në formë të mirë, ka përballë Danimarkën, që përkundër se pas dy ndeshjeve të para të grupit ishte me 0 pikë, tash e sheh veten në mesin e katër më të mirave. Historia bëhet edhe më e bukur kur e gjitha kjo ndodhi pas rastit “Eriksen”. Danezët nuk u demoralizuan dhe ndeshjet pas asaj ndaj Finlandës i luajtën me koncentrim maksimal, për ta arritur kështu gjysmëfinalen e turneut, e ndoshta edhe finalen.
Nëse shikojmë vetëm kampionatet botërore e evropiane, herën e fundit këto dy përfaqësuese ishin përballur në 1/8 e finales në Botërorin e vitit 2002. Atë ndeshje Anglia e fitoi me rezultat 0-3. E para asaj ndeshjeje, këto dy skuadra u përballën në fazën grupore të kampionatit evropian EURO1992, vit në të cilin Danimarka u shpall kampione e Evropës. Atë ndeshje këto dy shtete e mbyllën pa gola, 0-0.
Favorite për të kaluar në finale llogaritet Anglia, fitorja e së cilës kuotohet me 1.70. Barazimi mban kuotën 3.60, kurse fitorja e Danimarkës kuotohet me 5.25.
Ndeshja luhet me fillim nga ora 21:00.
