ITALIA - SPANJA
Penalltitë çojnë Italinë në finale
6 July, 2021 @23:47
Finalisti i parë në EURO 2020, u bë Italia, pas ekzekutimit të penalltive, e eliminoi Spanjën.
Italia kaloi në epërsi përmes Federico Chiesas në minutën e 60’, kurse rezultatin e barazoi Alvaro Morata në minutën e 80’.
Koha e rregullt përfundoi me rezultat të barabartë 1-1. Gjatë vazhdimeve që të dyja skuadrat nuk arritën të shënojnë dhe për ta përcaktuar fituesin, nevojitën penalltitë.
Italia dështoi në penalltinë e parë me Manuel Locatellin, por edhe Spanja dështoi me Dani Olmon.
Më pas të dyja skuadrat shënuan nga dy penalltitë e egzekutuara.
Bernardeschi shënoi edhe penalltinë e tretë për Italinë, kurse Alvaro Morata dështoi te Spanja, e priti portieri Donnarumma.
E goli i fitores erdhi nga Jorginho i cili shënoi për 4-2 dhe kështu Italia u bë finalistja e parë në EURO 2020.
Italia në finale do të takohet me fituesin nga dueli Anglia-Danimarka, që do të luhet nesër nga ora 21:00.
