VLLAZNIA-DRITA
Drita ngritet lartë
24 September, 2017 @17:49
Para kësaj xhiroje Drita ka qenë në pozitën e tetë të klasifikimit, ndërsa sot, me fitore ndaj Vllaznisë së Pozharanit, bardhekaltërit e Gjilanit janë ngritur në pozitën e tretë.
Drita ka shënuar fitore pasi që në pjesën e dytë gjetën golin përmes penalltisë, që hasi në pakënaqësinë e Vllaznisë.
Fidab Gërbeshi shënoi nga penalltia për avantazhin e gjilanasve, ndërsa më pas Drita i ndezi ‘dritat’ për të mos u ndalur deri në fund të ndeshjes, ku Xhevdet Shabani, Kastriot Rexha dhe Përparim Livoreka shënuan për përfundimtaren 0-4.
Kjo ishte fitorja e tretë e Dritës këtë stinor, ndërsa tash kap vendin e tretë, derisa Vllaznia vazhdon të mbetet në zonën e rrezikshme të Superligës.
