E para në pranverë si mysafir

Vëllaznimi ka arritur të shënojë fitore për herë të parë në pjesën pranverore të stinorit si mysafir.

Gjakovarët kanë triumfuar ndaj Arbërisë sot, që ka shënuar 3 pikëshin e parë jashtë Gjakovës në shtatë xhirot e zhvilluara në pranverë të Ligës së Parë.

Pjesa e parë e ndeshjes u krye pa gola.

Golat e fitores për Vëllaznimin i shënuan Labinot Jetullahu dhe Jeton Dushi, ndërsa pas epërsisë së gjakovarëve 0-2, vendasit kanë arritur të zbusin atë në 1-2, që u bë edhe rezultati përfundimtar i ndeshjes.

TABELA AKTUALE

Në anën tjetër, humbja e Dukagjinit ndaj Vitisë, nxen edhe më shumë lojën për pozitat 3 dhe 4 që dërgojnë në barazh nga Liga e Parë, pasi që tash dallimi mes tre skuadrave që luftojnë për këto pozita është vetëm 4 pikë!

Në xhiron që vjen Vëllaznimi pret Kikën në Gjakovë, ndërsa Arbëria është mysafire e Fushë Kosovës.