Ekipi i Jetmir Topallit ndalë Fenerbahçen

Skuadra e Yeni Malatyasporit që po lufton për mbijetesë në Superligën turke, ka arritur që të ndalë njërën ndër skuadrat që po kërkojnë titullin në Turqi, duke barazuar sot, 1-1 [Eskihelaç 35 — Valencia 17].

Trajneri i ekipit vendas ka thënë se kanë një pikë jetike për mbijetesë në këtë ndeshje ndaj Fenerbahçes, derisa komentet e përgjithshme thonë se kanarinat e Stambollit nuk treguan lojë për të arritur më shumë, pasi që organizimi po mungon, përkundër se trajneri Erol Bulut u largua dhe në vend të tij përkohësisht skuadrën mori drejtori sportiv Emre Belozoglu.

Ish-futbollisti i Ballkanit të Suharekës, Jetmir Topalli, përgjatë gjithë ndeshjes ka qenë në bankën rezervë në këtë takim.

TABELA AKTUALE:

1. Besiktas 31 ndeshje, 67 pikë
2. Fenerbahçe 32 ndeshje, 63 pikë
3. Galatasaray 31 ndeshje, 61 pikë
4. Trabzonspor 32 ndeshje, 57 pikë
...
15. Yeni Malatyaspor 31 ndeshje, 33 pikë
...
21. Denizlispor 31 ndeshje, 26 pikë.