Ermir Lenjani në histori të Superligës zvicerane

Krahu i kombëtares shqiptare, Ermir Lenjani, ka shënuar një dhe ka asistuar në golin tjetër të Sionit sot në barazim 2-2 ndaj Luzernit.

Por, goli dhe asisti i Lenjanit përveç pikës që i solli ekipit të tij, ka bërë edhe historinë.

Lenjani është futur në histori të futbollit zviceran sot, përkatësisht të Superligës së këtij vendi, pasi që ka shënuar golin më të shpejtë në histori të saj.

Goli i Lenjanit ka ardhur vetëm 10 sekonda pasi që nisi loja, dhe kjo e bëri krahun kuqezi që të hyjë në histori.

Përndryshe, te Sioni për 90 minuta në bankë qëndroi i harruari i Shqipërisë, Burim Kukeli. Ndërsa te Luzerni për 90 minuta në fushë ishte Idriz Voca i Kosovës, kurse Shkëlqim Demhasaj u fut në minutën e 77 të ndeshjes në lojë.