DREJT SERIE A-së
Fenerbahçe fiton 60-fish nga Elmasi
22 July, 2019 @11:04
Në vitin 2017 Fenerbahçe e bleu talentin e Rabotniçkit, Elif Elmas, për 295 mijë euro. Derisa pritet zyrtarizimi i lojtarit te Napoli, mediat turke kanë bërë llogaritjen e fitimit të ekipit nga Stambolli për shitjen e lojtarit.
Napoli do të paguajë 17.5 milionë euro dëmshpërblim për reprezentuesin e Maqedonisë Veriore, derisa Elif është përshëndetur me ekipin turk.
Fitim i pastër 60-fish nga lojtari, thuhet në llogaritjen e bërë, derisa mesfushori i talentuar do të punojë tash e tutje me Carlo Ancelottin te Napoli dhe do të ketë mundësinë të luajë në Ligë të Kampionëve.
Elmas është 19 vjeçar, mesfushor organizativ dhe vlerësohet si njëri ndër lojtarët më potencial të rajonit, që mund të shpërthejë edhe më në vitet në vazhdim.