KF FERIZAJ
Ferizaji nuk ndalet, zyrtarizon edhe 6 përforcime
31 January, 2019 @17:37
Pasi zyrtarizoi Egzon Shabanin, Durim Gashin dhe Hysein Demirin, klubi i Ferizajit sot ka zyrtarizuar edhe 6 përforcime të tjera.
Viktor Kuka (qendërmbrojtës i huazuar nga Drita), Veton Shabani (mbrojtës i krahut i transferuar nga Flamurtari), Burhan Mustafa (portier i transferuar nga KF Shkupi), Dini Cuculi (qendërmbrojtës i transferuar nga Superliga e Maqedonisë), Dardan Çerkini (mbrojtës që te Ferizaji rikthehet pas aventurës te Trepça ‘89) dhe Ermal Krasniqi (sulmues i transferuar nga Llapi) janë përforcimet e zyrtarizuara sot nga Ferizaji, i cili jep shenja të qarta që ka për synim mbetjen në Superligë edhe sezonin e ardhshëm.
Përveç përforcimeve të lartpërmendura, pranverën skuadra ferizajase e nis nën drejtimin e Bylbyl Sokolit, njeriut që e ngjiti në Superligë këtë skuadër në muajin maj të vitit të kaluar.
