Flamurtari mposht Vëllaznimin, ngjitet në zonën e barazhit

Në takimin e luajtur sot në kryeqytet, Vëllaznimi është mposhtur me rezultat 1-0 nga Flamurtari.

Golashënuesi i vetëm i ndeshjes ishte Alban Shillova, i cili shënoi me kokë në minutën e 17’.

TABELA AKTUALE SUPERLIGA

Në pjesën e dytë, Flamurtari kishte mundësi që ta dyfishonte rezultatin dhe ta vuloste fitoren, por Alban Shillova, golashënuesi i golit të parë, gaboi nga pika e bardhë, pasi që gjuajtja e tij u prit nga Altik Muhaxhiri i gjakovarëve.

Në vazhdim të ndeshjes për t’u përmendur është shtylla e Egzon Gashit të mysafirëve, e cila ia mohoi barazimin gjakovarëve dhe ndeshja u mbyll me rezultatin final 1-0.

Kjo fitore bën që Flamurtari të ngjitet në zonën e barazhit, me Besën që u mposht nga Drenica, derisa fitorja e Drenicës në të njëjtin takim bën që Vëllaznimit t’i zvogëlohen edhe më tutje gjasat për dalje nga zona e barazhit.