Garë e ashpër për mesfushorin italian

Ende nuk ka mbaruar “EURO-2020”, por mesfushorit italian, Locatelli, vetëm sa është duke iu shtuar vlera e tij.

Klubi i Juventus duket se kanë ofruar 25 milionë euro + 5 milionë nëpërmjet bonuseve, duke dërguar shifrën kështu në 30 milionë.

Por, drejtuesit e Sassuolos  duket se i kanë rritur kërkesat nga 40 në 50 milionë euro.

Për Locatellin tashmë interesohet edhe Tottenhami i cili kërkon edhe Berardin, që është në formë jashtëzakonisht të mirë tek përfaqësuesja e Italisë këtë vit.

Nga ana tjetër, për dyshen e Sassuolos interesohen edhe skuadrat e Anglisë: Leciester e Liverpool.

Interesimi për Locatellin ka ardhur edhe nga rivalët e Liverpool, e që janë drejtuesit e Arsenal, si zëvendësim për meshfushorin kosovar, Granit Xhaka.

Mbetet të shihet se ku do të përfundojë i shumë kërkuari i Sassuolos, këtë verë.