Gladbach zyrtarizon trajnerin e ri

Skuadar e Borussia Mönchengladbachut, që ka arritur të bëj befasi këtë stinor me ekipin në kuadër të Ligës së Kampionëve, duke dalë në fazën eliminatore, ka zyrtarizuar trajnerin e ri të ekipit për sezonin e ardhshëm.

Pasi që trajneri aktual i tyre, Marco Rose, në mes të stinorit arriti marrëveshje me Borussia Dortmundin për sezonin tjetër dhe do të vazhdojë të punojë deri në fund të këtij stinori, ekipi ka bërë të ditur sot edhe zyrtarisht se ka arritur marrëveshje me Adi Hütter për të nisur punën prej 2021/22.

Hütter që aktualisht punon si trajner i Eintrachtit të Frankfurtit, është austriak që bëri karrierë si trajner prej ekieve të vogla duke arritur te RB Salzburg në 2014/15 e pastaj te Young Boys në tre vitet e ardhshme. Kurse prej sezonit 2018/19 është duke drejtuar shqiponjat e kuqe të Frankfurtit.

Suksesi më i madh i tij është që ka arritur titullin me Young Boysin në vitin 2018, triumf ky i arritur pas plotë 32 viteve për ekipin zviceran.

Hütter 51-vjeç ka nënshkruar marrëveshje tre-vjeçare me Borussia Mönchengladbachun.

Aktualisht trajneri në fjalë po përpiqet që Eintrachtin të fut në Ligë të Kampionëve nga Bundesliga, duke qenë se janë në pozitë të katërt të renditjes dhe gjashtë xhiro para fundit të sezonit kanë 7 pikë më shumë sesa Borussia Dortmund, që është i pesti.