MEDIA TALK
Ibra thyen rregullat e COVID-19?!
12 April, 2021 @16:38
Sulmuesi i Milanit, Zlatan Ibrahimovic, thuhet të ketë thyer rregullat e COVID-19 në Milano, pasi që është parë në një restorant dje në qytet, derisa Milanoja është në zonë të kuqe dhe të gjitha dyqanet e gastronomisë do të duhej të ishin të mbyllura!
Sipas La Gazzetta dello Sport, Ibra ka kërkuar që një shok i tij të hap restorantit përkundër masave dhe ka qëndruar aty gati një orë.
Të njëjtën, nuk e ka mohuar as pronari i restoranit.
“Ibra, Ingazio [Abate] dhe një shok tjetër i përbashkët yni kanë ardhur të më takojnë. Kemi qenë brenda dhe kemi biseduar, më pas ata kanë shkuar në shtëpi. Jemi shokë, është normale të takohemi. Ata nuk kanë drekuar as asgjë, në këmbë ashtu kemi biseduar dhe kemi pirë nga një gotë verë,” ka bërë të ditur pronari i restoranit, shkruan Foot Italia.
Në anën tjetër edhe MilanNews ka bërë të ditur se Ibra ka pohuar për takimin, por se ka qenë takim biznesor dhe nuk ka pasur të bëj fare me punën e mos-punën e restoranit dhe masave pandemike.
