VËLLAZNIMI - ISTOGU
Hat-trick i Vulës për tri pikë
18 November, 2018 @16:50
Vëllaznimi ka shënuar fitore bindëse ndaj Istogut në kuadër të xhiros së XIV të Ligës së Parë të futbollit.
Ekipi nga Gjakova ka shënuar fitore në saje të golave të sulmuesit të tyre Lekë Vula, që ka shënuar tri herë në portën e troftave, ndërsa një tjetër e ka shtuar braziliani Lucas Brito për 4-1 përfundimtare.
Golin e vetëm, të nderit për mysafirët e drejtuar nga Besim Podrimaj e shënoi Besmir Fetahu.
Kjo ishte fitorja e parë e Vëllaznimit pas tre xhirove me rezultate jo të mira, që çoi në largimin e trajnerit Gani Sejdiu.
