BESA-GJILANI
I teti për Gjilanin, i pari për Besën
26 October, 2017 @15:24
Ka përfunduar dueli i ekipeve ‘të kuqe’ të Superligës ndërmjet Besës dhe Gjilanit në Shahin Haxhiislami të Pejës me rezultatin e fillimit të ndeshjes, 0-0.
Gjilani ka regjistruar barazimin e tetë të stinorit, ndërsa Besa të parin. Ekipet ndanë pikët në një ndeshje të zhvilluar në mot të mirë në krahasim me duelet e xhiros dje e pardje, ndërsa në pjesën e parë djelmoshat e Arbnor Morinës rrezikuan më shumë.
Në pjesë të dytë Besa dhe Gjilani patën raste për të shënuar. Vendasit rrezikuan përmes Florent Qorrajt, pastaj edhe Altin Merlakut. Ndërkaq Gjilani tentoi me Betim Haxhimusën, por kot.
Ekipet ndanë pikët në fund.
Gjilani udhëton te Feronikeli xhiron që vjen, ndërsa Besa te Drita.
