Prishtina s’mban kreun, e ndal Drita

Drita ka prishur serinë e tre fitoreve radhazi të Prishtinës sot në Gjilan, duke e ndalë në barazim pa gola, 0-0.

Gjilanasit kanë pasur raste të mira në fillim të ndeshjes përmes Liridon Lecit e Kastriot Rexhës, por portieri i reprezentacionit të Kosovës, Visar Bekaj, ka ndalur këto tentime.

TABELA AKTUALE

Më pas Prishtina ka kontrolluar një pjesë ndeshjen, por pa rrezikuar. Drita përsëri provoi, por më kot, topi sot nuk do të hynte në asnjërën rrjetë.

Me këtë barazim, Prishtina bie në pozitë të dytë, ndërsa Drita kap pozitën e pestë në klasifikim.

Xhiron që vjen, Drita përsëri vendase, pret Besën e Pejës, ndërsa Prishtina vendase do të kërkojë t’i kthehet fitoreve në derbin lokal ndaj Flamurtarit.